|
|
|
 |
01.03.2010
Ինչո՞ւ Հայաստանում չի զարգանում առ ցանց առևտուրը
/03/2010 » Տնտեսություն
Ինչո՞ւ Հայաստանում չի զարգանում առ ցանց առևտուրն այն աստիճան, որքան որ առկա է ներուժը: Աղվերանում հրավիրված ֆորումի քննարկումների թեմաներից մեկն էլ այս հարցն էր: Ի՞նչ կտա մեզ էլեկտրոնային առևտուրը.
«Նախ բավական արդյունավետ կդառնա ապրանքի շրջանառությունը, բիզնեսի աշխուժացում կլինի, քանի որ նոր բիզնեսներ կհիմնվեն»,-ասաց Ինֆորմացիոն տեխնոլոգիաների ձեռնարկությունների միության(ԻՏՁՄ) նախագահ Հովհաննես Ավոյանը:
Նա հավելեց, որ դա կազդի նաև ապրանքի ինքնարժեքի իջեցման վրա, որովհետև ֆիզիկական խանութների բացումը և պահպանումը բավական մեծացնում են ապրանքների ինքնարժեքը:
«Կառավարությունում պիտի հարց բարձրացվի, որ խրախուսվի ոչ կանխիկ գործողությունների ակտիվացումը, մի գուցե էլեկտրոնային առևտրով զբաղվող ընկերություներին 1 տարով ազատեն լրացուցիչ հարկային պարտականություններից»,-նկատեց Հ. Ավոյանը:
Բարձրացվեց նաև առ ցանց առևտրի իրականացման անվտանգության հարցը: Ներկայացվեցին լուծումներ, որոնք առկա են միջազգային պրակտիկայում:
Առ ցանց առևտրի կայացման մյուս խոչընդոտը փոստային ծառայությունն է, քանի որ երբ ապրանքը վաճառվում է, հարկավոր է վստահություն, թե այն տեղ կհասնի ժամանակին և նորմալ վիճակում:
«Օրինակ սնունդ գնելու դեպքում, եթե այն տեղ հասնի պատվիրվածի հաջորդ օրը, ապա ծառայությունն ընդհանրապես անիմաստ կդառնա»,-ասաց ԻՏՁՄ նախագահը:
«Մյուս խոչընդոտը կրեդիտ քարտերի թիվն է, թե քանի մարդ ունի այս քարտերից: Լուրջ է նաև պրոցեսինգի խնդիրը: Իրականում կրեդիտ քարտով, առ ցանց եղանակով փող գանձելու` բիզնեսի համար մատչելի տարբերակ չկա, որի հիման վրա կառուցվեն էլեկտրոնային խանութներ»:
Նրա ծոսքերով այստեղ ևս մեծ խնդիրներ կան: «Օրինակ Visa և Master քարտերով մուծումներ կատարելու համար չկան պրոցեսինգային լուծումներ: Pay Pal-ը, որը աշխարհում շատ ընդունված մուծման համակարգ է, Հայաստանում լիարժեք չի աշխատում. կարելի է մուծում կատարել, սակայն մուծում ընդունել հնարավոր չէ: Այսինքն հայկական բիզնեսն ընդհանրապես չի կարող Pay Pal-ով մուծում ընդունել»,-ասաց ԻՏՁՄ նախագահը:
|
|
|
|
