|
|
|
 |
11.03.2010
Վարչապետը հանձնարարեց նախարարներին վերահսկողության ներքո վերցնել միջնաժամկետ ծախսերի ծրագրի մշակումը
Այսօր կառավարության նիստի ժամանակ վարչապետ Տիգրան Սարգսյանը բոլոր նախարարներին հանձնարարեց վերահսկողության ներքո վերցնել միջնաժամկետ ծախսերի ծրագրերի մշակման գործընթացը:
Կառավարության ղեկավարը հիշեցրեց, որ այն պետք է լինի երկրի ղեկավարի նախընտրական ծրագրին համապատասխան: Հաշվի առնելով, որ ներկայում մշակման աշխատանքներն են ընթանում, և դրանք կավարտվեն հունիսին, վարչապետը բոլոր նախարարներին հանձնարարեց, առաջիկա երկու շաբաթվա ընթացքում ներկայացնել զեկուցում այն մասին, թե ինչ խնդիրներ են ի հայտ գալիս այդ ծրագրում ընդգրկված դրույթների իրականացման ճանապարհին:
«Եթե կան խնդիրներ, ապա անհրաժեշտ է ներկայացնել դրանց նկարագիրը, մասնավորեպաս 2009-ին մակրոտնտեսական ցուցանիշների վատթարացման հետ կապված»,-ասաց Տ. Սարգսյանը:
Ֆինանսների նախարար Տիգրան Դավթյանը հիշեցրեց, որ ծրագրի մշակման աշխատանքները ժամանակավորապես դադարեցվել էին: «Այսօր մենք արդեն մտել ենք կայունացման փուլ, և անցել ենք նախատեսված բյուջեի նորմալ ռեժիմին»,-ասաց նախարարը, առաջարկելով իր գործընկերներին ծրագրի հետ կապված հանդես գալ հստակ առաջարկություններով:
Նշենք, որ ծրագիրն այժմ մշակման փուլում է, կառավարությանը կներկայացվի հուլիսի սկզբին:
|
|
|
|
